شعر ترکی شهریار | 30 شعر ترکی از استاد شهریار زیبا و خواندنی

در این نوشته از دلبرانه قصد داریم مجموعه ای گلچین از شعر ترکی شهریار کوتاه و طولانی را درج نماییم

ممکن است علاقه مند به خواندن اشعار با زبان آذری و ترکی استاد شهریار باشید و بخواهید آنها را مطالعه کنید

به همین دلیل مجموعه از چندین شعر ترکی شهریار را برای شما عزیزان جمع آوری کرده ایم

امیدواریم که مورد توجه شما عزیزان قرار گیرد

با ما همراه باشید

شعر ترکی شهریار | 30 شعر ترکی از استاد شهریار زیبا و خواندنی

سنین بهرن یئین کیمدیر؟
کیمینکیسن؟ ییه­ن کیمدیر؟
سنه دوغرو دئین کیمدیر؟
یالان دونیا، یالان دونیا!

سنی فرزانه لر آتدی
قاپیب، دیوانه لر توتدی
کیمی آلدی، کیمی ساتدی
آلان دونیا،ساتان دونیا
آتی ازل داغا سالدیق
یورولدوقجا دالی قالدیق
آتی ساتدیق، اولاغ آلدیق
یهر اولدی پالان دونیا

بیری آینا ، بیری پاس دیر
بیری آیدین، بیری کاس دیر
گجه تویدور، گونوز یاس دیر
گول آچدیقجا، سولان دونیا

ایگیت لرین باشین یئیه­ن
گوجالار بوزباشین یئیه­ن
قبیرلرین داشین یئیه­ن
ئوزی یئنه قالان دونیا!

نه قاندین، کیم گول اکن دیر؟
کیم قیلیج تک قان توکن دیر؟
تیمور هله کوره کن دیر
چنگیز جانین، آلان دونیا

یامان قورغو! ییغیلایدین!
طوفانلاردا بوغولایدین!
نولایدی بیر داغیلایدین
بیزی درده سالان دنیا

چاتیب، سندن کوچن کئچدی
اجل جامین، ایچن کئچدی
اولان اولدو، کئچن کئچدی
نه ایستردین اولان دونیا

بوغولایدین، دوغان یئرده
دوغوب خلقی بوغان یئرده
اوغول نعشین اوغان یئرده
آنا زولفون یولان دونیا

═══^^●●^^═══

سيزلايير احواليما صبحه قدر تاريم منيم

تكجه تاريم دير قارا گونلرده غمخواريم منيم

چوخ وفالي دوستلاريم واردير، يامان گون گلجه يين

تاردان اوزگه قالمايير يار وفاداريم منيم

يئر توتوب غمخانه ده، قيلديم فراموش عالمي

من تارين غمخواري اولدوم، تار غمخواريم منيم

گوزلريمه هر تبسم سانجيلير نئشتر كيمي

كيپريگي خنجردي، آه، اول بي وفا ياريم منيم

آسمان آلدي كناريمدان آي اوزلو ياريمي

ياش توكر اولدوز كيمي بو چشم خونباريم منيم

اي بو غملي كونلومون تاب و تواني، سويله بير

عهد و پيمانين نه اولدو، نولدو ايلغاريم منيم

“شهريار”م گرچي من سوز مولكونون سلطاني يم

گوز ياشيمدان باشقا يوخدور در شهواريم منيم

═══^^●●^^═══

چوخلار اینجیکدی کی، سن اونلارا نازایله میسن

من ده اینجیک کی، منیم نازیمی آز ایله میسن

ائتمیسن نازی بو ویرانه کونولده سلطان

ائوین آباداولا ، درویشه نیاز ایله میسن

هر باخیشدا چالیبان کیپریگی مضراب کیمی

بیر قولاق وئر، بوسینیق قلبی نه ساز ایله میسن؟

باشدان آچ یایلیغی ، افشان ائله سوسن – سنبل

سن بیزیم بایراممیزسان قیشی یاز ایله میسن

سن گون اول، قوی غم میز داغدا قار اولسون، اریسین

منیم آنجاق ایشیمی سوز و گداز ایله میسن

من بو معناده غزل یازمالی حالیم یوخودی

سن جوجوق تک قوجانی فرفره باز، ایله میسن

کاکلی باشدا بوروب باغلامیسان تاج کیمی

او قیزیل ساچدان اونا ، گوللی قوتاز ایله میسن

سینه بیر دشت مغان دیر ، قوزی یان – یانه یاتیب

منیم آغلار گوزومی ، اوردا آراز ایله میسن

بو گوزللیک کی جهاندا سنه وئرمیش تانری

هر قدر ناز ائله سن ایله، کی آز ایله میسن

منی بو سوز یله آتدین، آرالاندین بیلیرم

آرانی بیر پارا نامردیله ساز ایله میسن

دستماز ایله دیگین چشمه، مسیحا قانی دیر

بیلمیرم هانسی کلیساده نماز ایله میسن؟

من < عشیران > اوخوسام، پنجه < عراق > اوسته گزه ر

گوزلیم، < ترک > اولالی ، ترک < حجاز > ایله میسن

تازا شاعر، بو ده نیز هرنه باخیرسان دیبی یوخ

چوخ اوزاتسان بو غازی، اورده گی قاز ایله میسن

بسکه زلف و خط و خالین قوپالاغین گوتدون

زلفعلی نین باشینی آزقالا داز ایله میسن

گل ! منیم ایسته دیگیم کعبه ییخیلماز، اوجالار

باشدادا کژ گئده سن ، دیبده تراز ایله میسن

خط و خالیندن آلیب مشقیمی قرآن یازارام

بو حقیقت له منی، اهل مجاز ایله میسن

منی، دان اولدوزی، سن یاخشی تانیرسان که سحر

افقی خلوت ائدیب راز و نیاز ایله میسن

═══^^●●^^═══

اذن وئر توی گئجه سی من ده سنه دایه گلیم

ال قاتاندا سنه مشاطه تماشایه گلیم

سن بو متهاب گئجه سی سئیره چیخان بیر سرو اول

اذن وئر من ده دالونجه سورونوب سایه گلیم

منه ده باخدین او شهلا گؤزوله ، من قارا گون

جراتیم اولمادی بیر کلمه تمنایه گلیم

من جهنم ده ده باش یاسدیغا قویسام سنیله

هئچ آییلمام کی دوروب جنت ماوایه گلیم

ننه قارنیندادا سنله اکیز اولسایدیم اگر

ایسته مزدیم دوغولوب بیرده بو دونیایه گلیم

سن یاتیب جنتی رویاده گؤرنده گئجه لر

من ده جنت ده قوش اوللام ، کی او رویایه گلیم

قیتلیغ ایللر یاغیشی تک قورویوب گؤز یاشیمیز

کوی عشقینده گرک بیرده مطلایه گلیم

سن ده صحرایه ماراللار کیمی چیخ ، تولی کی

من ده بیر صیده چیخانلار کیمی ، صحرایه گلیم

آللاهوندان سن اگر قورخمویوب ، اولسان ترسا

قورخورام منده دؤنوب مذهب عیسی یه گلیم

شیخ صنعان کیمی دونقوز اوتاریب ایللرجه

سنی بیر گؤرمک اوچون معبد ترسایه گلیم

یوخ صنم ! آنلامادیم ، آنلامادیم ! حاشا من

بوراخیب مذهبیمی ، سنله کلیسایه گلیم

گل چیخاق طور تجلایه ، سن اول جلوه طور

من ده موسی کیمی ، او طور تجلایه گلیم

شیردیر « شهریار » ین شعری الینده شمشیر

کیم دئیه ر من بئله بیر شیرله دعوایه گلیم ؟

═══^^●●^^═══

اولدوز سایاراق گوزله میشم هر گئجه یاری

گئج گلمه ده دیر یار یئنه اولموش گئجه یاری

گؤزلر آسیلی یوخ نه قارالتی نه ده بیر سس

باتمیش قولاغیم گؤرنه دؤشور مکده دی داری

بیر قوش آییغام! سویلیه رک گاهدان اییلده ر

گاهدان اونودا یئل دئیه لای-لای هوش آپاری

یاتمیش هامی بیر آللاه اویاقدیر داها بیر من

مندن آشاغی کیمسه یوخ اوندان دا یوخاری

قورخوم بودی یار گلمه یه بیردن یاریلا صبح

باغریم یاریلار صبحوم آچیلما سنی تاری!

دان اولدوزی ایسته ر چیخا گؤز یالواری چیخما

او چیخماسادا اولدوزومون یوخدی چیخاری

گلمز تانیرام بختیمی ایندی آغارار صبح

قاش بیله آغاردیقجا داها باش دا آغاری

عشقین کی قراریندا وفا اولمیاجاقمیش

بیلمم کی طبیعت نیه قویموش بو قراری؟

سانکی خوروزون سون بانی خنجردی سوخولدی

سینه مده اورک وارسا کسیب قیردی داماری

ریشخندله قیرجاندی سحر سویله دی: دورما

جان قورخوسی وار عشقین اوتوزدون بو قماری

اولدوم قره گون آیریلالی او ساری تئلدن

بونجا قره گونلردی ائدن رنگیمی ساری

گؤز یاشلاری هر یئردن آخارسا منی توشلار

دریایه باخار بللی دی چایلارین آخاری

از بس منی یاپراق کیمی هیجرانلا سارالدیب

باخسان اوزونه سانکی قیزیل گولدی قیزاری

محراب شفقده ئوزومی سجده ده گؤردوم

قان ایچره غمیم یوخ اوزوم اولسون سنه ساری

عشقی واریدی شهریارین گوللی- چیچکلی

افسوس قارا یل اسدی خزان اولدی بهاری

═══^^●●^^═══

کؤنلوم قوشو قاناد چالماز, سنسیز بیر آن, آذربایجان !

خوش گونلرین گئتمز مودام خیالیمدان آذربایجان !

سندن ئوزاق دوشسم ده من عشقین ایله یاشاییرام,

یارالانمیش قلبیم کیمی, قلبی ویران آذربایجان.

بوتون دونیا بیلیر سنین قودرتینله, دؤولتینله,

آباد اولوب, آزاد اولوب, مولکو-ایران, آذربایجان !

بیسوتونی-اینقیلابدا شیرین-وطن اوچون فرحاد,

کولونگ وورموش اوز باشینا زامان-زامان آذربایجان !

وطن عشقی مکتبینده جان وئرمیی اویرنمیشیک,

اوستادیمیز دئمیش هئچدیر وطنسیز جان, آذربایجان !

قورتارماکچون ذالیملارین الین‌دن ری شومشادینی,

اوز شومشادین باشدان-باشا اولوب آل قان, آذربایجان !

یارب, ندیر بیر بو قدر اورکلری قان ائتمیین ?

قولو باغلی قالاجاقدیر نه واختاجان آذربایجان ?!

ایگیدلرین ایران اوچون شهید اولموش, اوزینده,

درد آلمیسان, قم آلمیسان سن ایراندان, آذربایجان !

اوولادلارین نه واختادک ترکی-وطن اولاجاقدیر ?

ال-اله وئر, عصیان ائله, اویان اویان آذربایجان !

یئتر فراق اودلاریندان اود الندی باشیمیزا,

دور آیاغا ! یا آزاد اول, یا تامام یان, آذربایجان !

شهرییارین اوریی ده سنینکی تک یارالیدیر,

آزادلیقدیر سنه ملحم, منه درمان, آذربایجان !

═══^^●●^^═══

تورکون دیلی تک سئوگی‌لی ایستک‌لی دیل اولماز

اوزگه دیلئ قاتسان, بو اصیل دیل اصیل اولماز

اوز شئعرینی فارسا, عربه قاتماسا شاعر

شئعری ائشیدن‌لر, اوخویان‌لار کسیل اولماز

پشمیش کیمی شئعرین ده گرک دادی-دوزو اولسون

کند احلی بیلر‌لر کی, دوشابسیز خشیل اولماز

سؤز‌لر ده جواهیر کیمی‌دیر, اصلی بدل‌دن

تشخیس وئرن اولسا بو قد”ر ذیر-ذیبیل اولماز

شاعر اولا بیلمزس”ن, آنان دوغماسا شاعر

میس‌سن آ بالام, هر ساری کؤینک قیزیل اولماز

اوتمز, اوخوماز بولبولو سالسان قفس ایچره

داغ-داشدا دوغولموش دلی جئیران همیل اولماز

اینسان اودور, دوتسون بو ذلیل خالقین الین‌دن

اللهی سئور‌سن, بئله اینسان ذلیل اولماز

هر چند سرابین سودو جوخ, یاغ-بالی چوخدور

باش عرصه ده چات‌دیرسا سراب اردبیل اولماز

میللت قمی اولسا بو چوجوک‌لار چؤپه دؤنمز

ارباب‌لاریمیز‌دان دا قارین‌لار تبیل اولماز

من‌دن ده نه ظالیم اوغلوم, نه قیساسچی

بیر دفعه بونو قان کی, ایپک‌دن قزیل اولماز

دوز واختدا دولار تاختا-تاباق ائدوییه ایله

اوندا کی, ننم سانجیلانار, ذنجفیل اولماز

فارس شاعری جوخ سؤز‌لری بیز‌دن آپارمیش

صابیر کیمی بیر سوفره‌لی شاعر پاخیل اولماز

تورکون مثلی, فولکلورو دونیادا تک‌دیر

خان یورغانی, کند ایچره مثل‌دیر, میتیل اولماز

آذر قوشونو قئیسری-رومو اسیر ائتمیش

کسرا سؤزودور, بیر بئله تاریخ ناغیل اولماز

بو شهریارین تبعی کیمی چیممه‌لی چئشمه

کؤوسر اولا بیلسه دئمیرم, سلسبیل اولماز

═══^^●●^^═══

خان ننه ، هایاندا قالدین

بئله باشیوا دولانیم

نئجه من سنی ایتیردیم !

دا سنین تایین تاپیلماز

سن اؤلن گون ، عمه گلدی

منی گه تدی آیری کنده

من اوشاق ، نه آنلایایدیم ؟

باشیمی قاتیب اوشاقلار

نئچه گون من اوردا قالدیم

قاییدیب گلنده ، باخدیم

یئریوی ییغیشدیریبلار

نه اؤزون ، و نه یئرین وار

« هانی خان ننه م ؟ » سوروشدوم

دئدیلر کی : خان ننه نی

آپاریبلا کربلایه

کی شفاسین اوردان آلسین

سفری اوزون سفردیر

بیرایکی ایل چکر گلینجه

نئجه آغلارام یانیخلی

نئچه گون ائله چیغیردیم

کی سه سیم ، سینم توتولدو

او ، من اولماسام یانیندا

اؤزی هئچ یئره گئده نمه ز

بو سفر نولوبدو ، من سیز

اؤزو تک قویوب گئدیبدیر ؟

هامیدان آجیق ائده ر کن

هامییا آجیقلی باخدیم

سونرا باشلادیم کی : منده

گئدیره م اونون دالینجا

دئدیلر : سنین کی تئزدیر

امامین مزاری اوسته

اوشاغی آپارماق اولماز

سن اوخی ، قرآنی تئز چیخ

سن اونی چیخینجا بلکی

گله خان ننه سفردن

ته له سیک روانلاماقدا

اوخویوب قرآنی چیخدیم

کی یازیم سنه : گل ایندی

داها چیخمیشام قرآنی

منه سوقت آل گلنده

آما هر کاغاذ یازاندا

آقامین گؤزو دولاردی

سنده کی گلیب چیخمادین

نئچه ایل بو اینتظارلا

گونی ، هفته نی سایاردیم

تا یاواش – یاواش گؤز آچدیم

آنلادیم کی ، سن اؤلوبسن !

بیله بیلمییه هنوزدا

اوره گیمده بیر ایتیک وار

گؤزوم آختارار همیشه

نه یاماندی بو ایتیکلر

خان ننه جانیم ، نولیدی

سنی بیرده من تاپایدیم

او آیاقلار اوسته ، بیرده

دؤشه نیب بیر آغلایایدیم

کی داها گئده نمییه یدین

گئجه لر یاتاندا ، سن ده

منی قوینونا آلاردین

نئجه باغریوا باساردین

قولون اوسته گاه سالاردین

آجی دونیانی آتارکن

ایکیمیز شیرین یاتاردیق

یوخودا ( لولی ) آتارکن

سنی من بلشدیره ردیم

گئجه لی ، سو قیزدیراردین

اؤزووی تمیزلیه ردین

گئنه ده منی اؤپه ردین

هئچ منه آجیقلامازدین

ساواشان منه کیم اولسون

سن منه هاوار دوراردین

منی ، سن آنام دؤیه نده

قاپیب آرادان چیخاردین

ائله ایستیلیک او ایسته ک

داها کیمسه ده اولورمو ؟

اوره گیم دئییر کی : یوخ – یوخ

او ده رین صفالی ایسته ک

منیم او عزیزلیغیم تک

سنیله گئدیب ، توکندی

خان ننه اؤزون دئییردین

کی : بهشت ده ، الله

وئره جه ک نه ایستیور سن

بو سؤزون یادیندا قالسین

منه قولینی وئریبسه ن

ائله بیر گونوم اولورسا

بیلیرسن نه ایستیه رم من ؟

سؤزیمه درست قولاق وئر :

سن ایله ن اوشاخلیق عهدین

خان ننه آمان ، نولیدی

بیر اوشاخلیغی تاپایدیم

بیرده من سنه چاتایدیم

سنیلن قوجاقلاشایدیم

سنیلن بیر آغلاشایدیم

یئنیدن اوشاق اولورکن

قوجاغیندا بیر یاتایدیم

ائله بیر بهشت اولورس

داها من اؤز الله هیمدان

باشقا بیر شئی ایسته مزدیم

═══^^●●^^═══

ائـــــوده بیــــر ایـل آه چکــــــرم خبــر یـوخ

ائــــــودن چیخـــام  مـــــن اویـانا ، یار گلی

تای توشلاریم ، چوله چیخـا ، گون چیخـار !

من چیخــــاندا یــاغیش گئتسه ، قـار گلی

خــــــان ائـــــوینه ، شئر گله ، قویروق بولار !

بیزیـــــم ائوه ، کــــــور ایت گله ، هــار گلی !

خلقه قونـــــــاق گلی ، گؤزی ســـورمه لی …!

بیزیم ائـــودن ، کـور گئتمه میش ، کـار گلی !!!

بختیــــــمه آرواد نه چیخـــــــــا ، بیلمیــــــرم ؟

بئللی دی کی ســـــــارساغا ، سوسـار گلی !!!

بیـــــــر “اوچ اتک” اندازادیـــــــــــر اگنیــــــــمه !

“سالیسبــــــــوری” گن گلمــــه سه دار گلی !!!

دولتلــــی یه یــــــــــاس دا گلـــــه اوینــــــــایار !

بیز کاسیبــــــــا طوی گلـــــــه ، آخســار گلی !!!

غم یوکــــــــوندن ، کدخدانیـــــن حصّــــه سی …

خـــــردل اولــــــی ، بیزیمکی خــــــــالوار گلی !!!

کتــــــــده بیزی دویولّه ، بیر هــــــاوار یــــــــوخ …!

بیز بیـــــر کلمه حق دانیشـــــاق ، جــــار گلی …!

دارغاشــــــاییرتلار بیـــــــزه سرکــــــــار چیخـار !

دار دیبینـــــــدن قـــــورتـــــــولار ، ســـردار گلی !

بوندان بئله ، ئــــــــوزگه گؤره م ، ئـــــــوزگه دن …

منّــــــــــت چکیـــــــر ، غیـــرتیــــــــمه عار گلی !

ایشــــــــچی ، تویــــوق کسنده من بــــاخانمام …

بیــــــــلمم نئــــــــــجه اوره گینــــــــده وار گلی ؟

غمــــــدن منیـــــم ، بیر عینـــــــک وار گـؤزومده …

ایشیـــــــق آیدیــــــــن گـــون ، گــؤزومه تار گلی …!

عشقیـــــم دوشـــــوب یـــــادیمه ، گـؤزلر داشـار ،

باهـــــــاردا سئـــــل آتلــــــانی چــــــایلـــار گلی …!

چوخ شـــــــاعیرین طبعی دونــــــار بــــوز کیمی …

“شهریــــــــــار”ین شعـــــــری ده ، قاینـــار گلی !!!

═══^^●●^^═══

شاطر اوغلان گوروم آللاه سنه وئرسین برکت

قوی اونون یاخشی النسین ،خمیرین اللنسین

چوخ پیشیر یاخشی پیشیر گویده قیریلدات کوره یی

منبر اوسته چوره یین قوی قالانیب تللنسین

تندیرین طور تکین عرشیده ن آلسین ایشیغی

ارسینین بیرق احرار کیمی میللنسین

کاسیبین قیسمتی یوخ یاغلی پیلوو دوشله ماغا

بو یاوان سنگه یی بیرقوی ساحالیب سئللنسین

قیرتین قوربانی سن موشترینی تئز یولا سال

ائل ایچینده یاراماز آرواد اوشاغ وئللنسین

قوی ایکیریاللیغی ساتسین خوزه ئین بیر ماناتا

دیشی دوشموش قوجانین آغزی نه دیر دیللنسین

او منیم شعریمه چوخ ماییل اولان وردسته

دئنه: شاعیر چوره یی قوی قوروسون گوللنسین

من لیغیرسا یئیه بیلسم ده فلوس لازیم اولار

بو سوسوز باخچا نه لازیم بو قده ربئللنسین

ساری یازلیقدان اولان گوللی قیزارمیش سنگک

گره ک آغزوندا اریک تک ازیلیب هللنسین

تهرانین غیرتی یوخ شهریار ساخلاماغا

قاچمشام تربیزه تا یاخشی یامان بللنسین

باغچامیز فاسد اولوب ، هر نه ااكرسن اولماز

یئری داشلیقدی گره ك توپراقی غربیللنسین

مدعاسی چوخ اولان طبل تهی پربادوخ

نیله یك ضرناچی نین بورنو گره ك یئلله نسین

بو گیجللنمه دن آی چرخ فلك سنده یورول

بو حیاسیز گونه گوزلر نه قده ر زیللنسین

سعدی نین باغ گلستانی گره ك حشره قده ر

آلماسی سلله لنیب خرماسی زنبیللنسین

لعنت اول باد خزانه كی “نظامی ” باغینین

بیر یاوا گلبسرین قویمادی كاكللنسین

آرزو جلگه لرینده بیز اكن مزرعه لر

دئییه سن ساقه لنیب قوی هله سنبللنسین

قصه چوخ قافیه یوخ آختاریرام تاپمیورام

یئریدیر شهریارین طبعی ده تنبللنسین

═══^^●●^^═══

حسینه یئرلر آغلار گؤیلر آغلار
بتول و مصطفی پیغمبر آغلار
حسینین نوحه سین دلریش یازاندا
مسلمان سهل دیر کی کافر آغلار
کور اولموش گؤزلرین قان دوتدو شیمرین
کی گؤرسون اؤز الینده خنجر آغلار
حسینین کؤینه گی زهرا الینده
چکر قیحا قیامت ، محشر آغلار
آتاندا حرمله ، اوخ کربلاده
گؤریدین دوشمن آغلار ، لشکر آغلار
قوجاغیندا ، گؤردین ام لیلا
آلیب نعش علیّ اکبر آغلار
رباب ، نیسگیل دؤشونده سود گؤرنده
علیّ اصغری یاد ائیلر آغلار
باشیندا کاکل اکبر هواسی
یئل آغلار ، سنبل آغلار ، عنبر آغلار
یازاندا آل طاها نوحه سین من
قلم گؤردوم سیزیلدار ، دفتر آغلار
علی ، شق القمر ، محراب تیلیت قان
قولاق وئر ، مسجید اوخشار منبر آغلار
علی دن شهریار ، سن بیر اشاره
قوجاقلار قبری ، مالک اشتر آغلار

═══^^●●^^═══

بار الاها سن بیزه وئر بو شیاطین دن نجات

اینسانین نسلین کسیب ، وئر اینسه بو جین دن نجات

بیزدن آنجاق بیر قالیرسا ، شیطان آرتیب مین دوغوب

هانسی رؤیا ده گؤروم من ، بیر تاپا مین دن نجات

بئش مین ایلدیر بو سلاطینه گرفتار اولموشوق

دین ده گلدی ، تاپمادیق بیز بو سلاطین دن نجات

بیر یالانچی دین ده اولموش شیطانین بیر مهره سی

دوغرو بیر دین وئر بیزه وئر بو یالان دین دن نجات

هر دعا شیطان ائدیر ، دنیا اونا آمین دئییر

قوی دعا قالسین ، بیزه سن وئر بو آمین دن نجات

ارسینی تندیرلرین گوشویلاریندا اویناییر

کیمدی بو گودوشلارا وئرسین بو ارسیندن نجات

یا کرم قیل ، کینلی شیطانین الیندن آل بیزی

یا کی شیطانین اؤزون وئر بیرجه بو کین دن نجات

اؤلدورور خلقی ، سورا ختمین توتوب یاسین اوخور

بار الاها خلقه وئر بو حوققا یاسین دن نجات

دینه قارشی ( بابکی – افشینی ) بیر دکان ائدیب

بارالاها دینه ، بو بابکدن ، افشین دن نجات

( ویس و رامین ) تک بیزی رسوای خاص و عام ائدیب

ویس ده اولساق ، بیزه یارب بو رامین دن نجات

شوروی دن ده نجات اومدوق کی بیر خئیر اولمادی

اولماسا چای صاندیقیندا قوی گله چین دن نجات

من تویوق تک ، اؤز نینیمده دوستاغام ایللر بویو

بیر خوروز یوللا تاپام من بلکی بو نین دن نجات

« شهریارین » دا عزیزیم بیر توتارلی آهی وار

دشمنی اهریمن اولسون ، تاپماز آهین دن نجات

═══^^●●^^═══

حیدربابا، یئل لر اَسَن زامانی
بی‌ز باغلاری گِزَن زامانی
قیز گَلین گون گوزَل گئزن زامانی
سَنَه قوربان اولوم، قَییف الَرَه‌م
یاد ایللَری یادا سالیب گُلَرَم

ترجمه:
ای حیدربابا، آن هنگام که باد می‌وزد،
وقتی در باغ‌ها گردش می‌کردیم،
دختر و عروس در اوج زیبایی بودند،
قربانت شوم، لذت می‌برم،
روزگار گذشته را به یاد می‌آورم و می‌خندم.

═══^^●●^^═══

گئدَنلَرین آرواد اولسون آغلاما
هَر گئدنلر گَلَر، گَلَمَسَه یاد قالار

ترجمه:
برای کسانی که رفتند گریه نکن، بگذار همسر کسی دیگر شوند،
هر که رفت شاید برگردد، و اگر هم نه، خاطره‌اش می‌ماند.

═══^^●●^^═══

گون بَتیر، آغلاما قالیب قارانلیق
نه گؤرَن وار، نه دیلانان، نه دانیشیق

ترجمه:
خورشید غروب کرده، گریه نکن، تاریکی مانده،
نه کسی می‌بیند، نه کسی سخنی می‌گوید، نه صدایی هست.

═══^^●●^^═══

آغلادیم اؤز-اوزومه
اونا نه، کیم‌ه‌ه نه؟
یاندی قلبیم کؤز اۆستَه
آونا نه، کیم‌ه‌ه نه؟

ترجمه:
برای خودم گریه کردم،
او چه می‌داند؟ دیگران چه می‌فهمند؟
دلم سوخت در سکوت،
او چه می‌فهمد؟ دیگران چه می‌فهمند؟

═══^^●●^^═══

گئجه‌لر چوخ دیر، کؤنلوم آغلار
سوسوز دوزلَر کیمی یانار

ترجمه:
شب‌ها طولانی‌اند، دلم گریه می‌کند،
چون دشت‌های بی‌آب می‌سوزد.

═══^^●●^^═══

آتا یوردو آیری اولماز
یورد آیریسا، مرد آیریلار

ترجمه:
زادگاه پدری جداشدنی نیست،
اگر وطن جدا شود، مرد هم می‌شکند.

═══^^●●^^═══

سَن گئتمه، سَن آیریلما
یوللار چوخ، آیریلیق وار

ترجمه:
تو نرو، تو جدا نشو،
راه‌ها بسیارند، اما جدایی دردناک است.

═══^^●●^^═══

داغلار باشی قارا دومان آلاندی
اوروخلار آغلار، قان یاشی سالاندی

ترجمه:
قله‌ی کوه‌ها را مه سیاه گرفته بود،
خاندان‌ها گریستند، اشک چون خون روان شد.

═══^^●●^^═══

گول سَن‌سَن، بوستاندا گول اؤزُو سن
نه یاز سَن‌سَن، چه خزان سَن‌سَن

ترجمه:
گل تویی، در بوستان گل، خود تویی،
نه بهار تویی، و نه پاییز تویی.

═══^^●●^^═══

یادین گلمه‌سه گئجه‌لر گئجه اولماز
اوت یاندیغی یئری یاندیرماز

ترجمه:
اگر یادت نیاید، شب شب نمی‌شود،
آتشی که یک‌بار سوخت، دیگر نمی‌سوزاند.

═══^^●●^^═══

اؤلکه‌م آذربایجان، قانادیم، جانیم
سَنَه قوربان اولوم، گؤزلیم، ویطانیم

ترجمه:
میهنم آذربایجان، بال و جانم،
قربانت شوم، ای زیبا، ای وطنم.

═══^^●●^^═══

سَن اؤلمَه، دؤز، صبرا گل
بئله بیر عمر، گئچه‌ر گئچه‌ر

ترجمه:
تو نمیر، طاقت بیار، صبر کن،
این‌گونه روزگار، می‌گذرد، می‌گذرد.

═══^^●●^^═══

آنانین گؤز یاشی باشقا اولار
او یاش، سینه‌ده قان آتار

ترجمه:
اشک چشم مادر فرق دارد،
آن اشک، در دل خون به راه می‌اندازد.

═══^^●●^^═══

قاریشقا قالانی آتار، آتماز
حالا دؤن، سؤز قالانی آتماز

ترجمه:
مورچه غذای باقیمانده را می‌برد، نمی‌اندازد،
اما حرف‌های باقیمانده در دل می‌ماند، رها نمی‌شود.

═══^^●●^^═══

دئدیم گئلمه، گلدی گوناه من‌دی
آغلاما، گؤز یاشی بی‌فایده‌دی

ترجمه:
گفتم نیا، آمد، تقصیر من است،
گریه نکن، اشک بی‌فایده است.

═══^^●●^^═══

بیر گؤزَل گؤردوم، آتدی قلبی‌می
یاندی آدینا قَلبی سوسوزلوغی‌می

ترجمه:
دختری زیبا دیدم، قلبم را ربود،
به نامش سوخت عطش دل تشنه‌ام.

═══^^●●^^═══

سَن گول سَن، من خارینام
سَن یاز سَن، من خزانام

ترجمه:
تو گلی، من خارت،
تو بهاری، من پاییزم.

═══^^●●^^═══

اؤلکَه‌م اوْلسا بیرینده، قَلبیم اؤزگه‌یَه باخماز
وطن، قانیمین صَسغی‌دیر، باشقا یولدا داخاماز

ترجمه:
اگر هزار وطن هم باشد، دلم جای دیگری نمی‌رود،
وطن، عصاره‌ی خون من است، راه دیگری ندارد.